Where to Invest Money to get Good Returns | ಎಲ್ಲಿ ಹೂಡಿಕೆ ಮಾಡಬೇಕು?(February 2022)

Finance

Where to Invest Money to get Good Returns | ಷೇರು ಮಾರುಕಟ್ಟೆಯಿಂದ ಉತ್ತಮ ರಿಟರ್ನ್ಸ್ ಪಡೆಯುವುದು ಹೇಗೆ?

Watch Video

ನಿಮ್ಮ ಜೀವನದಲ್ಲಿ ಹಣದ ಕೊರತೆಯನ್ನು ನೀಗಿಸಲು ನೀವು ಬಯಸಿದರೆ, ಆದಷ್ಟು ಬೇಗನೆ ಹೂಡಿಕೆ ಮಾಡಲು ಪ್ರಾರಂಭಿಸಿ. ಈ ಲೇಖನದಲ್ಲಿ ನಾವು ಷೇರು ಮಾರುಕಟ್ಟೆಯ ಬಗ್ಗೆ ಕಲಿತ ಎಲ್ಲ ವಿಷಯವನ್ನು ಸುಲಭವಾಗಿ ತಿಳಿಸಲಿದ್ದೇವೆ. ತುಂಬಾ ಜನ ಹೂಡಿಕೆಯ ಬಗ್ಗೆ ಎಲ್ಲ ತಿಳಿದಿದೆ ಎಂದುಕೊಳ್ಳುತ್ತಾರೆ. ಆದರೆ ಇದು ಅವರ ತಪ್ಪು ಕಲ್ಪನೆಯಾಗಿದೆ.

ಷೇರು ಮಾರುಕಟ್ಟೆಯ ಮೇಲಿನ ಅನೇಕ ವಿಷಯಗಳು ತಪ್ಪುಕಲ್ಪನೆಗಳಿಂದ ಕೂಡಿದೆ. ಹೀಗಾಗಿ ನೀವು ಇದರಲ್ಲಿ ಮಾಸ್ಟರ್ ಆಗಲು ಸರಿಯಾದ ಜ್ಞಾನವಿರುವುದು ಮುಖ್ಯವಾಗಿದೆ. ಈ ಲೇಖನವನ್ನು ಕೇವಲ 20 ರಷ್ಟು ಜನರು ಮಾತ್ರ ಪೂರ್ತಿ ಓದಬಹುದು. ನೀವು ಆ 20 ರಷ್ಟು ಜನರಲ್ಲಿ ಒಬ್ಬರಾಗಿದ್ದಾರೆ, ಇದರಲ್ಲಿ ತಿಳಿಸುವ ಮಾಹಿತಿಯನ್ನು ತಿಳಿದುಕೊಂಡು ನಿಮ್ಮ ಬದುಕಿನಲ್ಲಿ ಬದಲಾವಣೆ ತರುತ್ತೀರಿ ಎಂದು ಭಾವಿಸುತ್ತೇನೆ.

ಈ ಲೇಖನವನ್ನು ಪೂರ್ತಿ ಓದಿ ನಿಮ್ಮ ಬದುಕಿನಲ್ಲಿ ಅಳವಡಿಸಿಕೊಂಡರೆ,

• ನೀವು ಹೂಡಿಕೆ ಮಾಡುವುದರಲ್ಲಿ ಮೋಸ ಹೋಗುವುದಿಲ್ಲ ಮತ್ತು
• ಕೆಲವು ವರ್ಷಗಳ ನಂತರ ಹೂಡಿಕೆಯಿಂದ ಸಾಕಷ್ಟು ಹಣವನ್ನು ಗಳಿಸಲು ಪ್ರಾರಂಭಿಸುತ್ತೀರಿ.

ಇದನ್ನು ಓದಿ: ಷೇರು ಮಾರುಕಟ್ಟೆಯ ಮೇಲೆ ಸಂಪೂರ್ಣ ವಿವರ

Magic of Compounding.

ತುಂಬಾ ಜನ ನಮಗೆ ಷೇರು ಮಾರುಕಟ್ಟೆಯಲ್ಲಿ ಹೂಡಿಕೆ ಮಾಡಲು ತಿಳಿಸುತ್ತಾರೆ. ಅದು ಏಕೆಂದರೆ ಅದರಿಂದ ಸಾಕಷ್ಟು ಹಣ ಗಳಿಸಬಹುದು. ಉದಾಹರಣೆಗೆ ನೀವು 100 ರೂ ಹೂಡಿಕೆ ಮಾಡಿರುತ್ತೀರಾ ಎಂದುಕೊಳ್ಳಿ. ನಿಮಗೆ ಅದರಿಂದ 10 ರಷ್ಟು ರಿಟರ್ನ್ ದೊರೆತು, ನಿಮ್ಮ 100 ರೂ, 110 ರೂ ಆಗಿದೆ. ಈಗ ನಿಮ್ಮ ಹಣ 100 ರೂ ಇಂದ 110 ರೂ ಆಗಿದೆ. ಹೀಗಾಗಿ ಇನ್ನೂ ಮೇಲೆ ನಿಮಗೆ 110 ರೂ ಮೇಲೆ ರಿಟರ್ನ್ ಸಿಗುತ್ತದೆ.

ಈ 110ರೂ 150 ರೂ ರಿಟರ್ನ್ ನೀಡಿದೆ ಎಂದುಕೊಳ್ಳಿ. ಇದರ ನಂತರ ನಿಮಗೆ 150 ರೂ ಮೇಲೆ ರಿಟರ್ನ್ ಸಿಗುತ್ತದೆ. ಆದರೆ ಮೋಜಿನ ವಿಷಯವೆಂದರೆ ನೀವು ಹೂಡಿಕೆ ಮಾಡಿರುವುದು ಕೇವಲ 100 ರೂ ಆಗಿದೆ. ಇದನ್ನು ನಾವು "ಮ್ಯಾಜಿಕ್ ಆಫ್ ಕಾಂಪೌಂಡಿಂಗ್" ಎನ್ನುತ್ತೇವೆ.

ಇದನ್ನು ಇನ್ನೂ ಚೆನ್ನಾಗಿ ಅರ್ಥ ಮಾಡಿಸಲು ಉದಾಹರಣೆ ಮೂಲಕ ತಿಳಿಸುತ್ತಿದ್ದೇವೆ. ನೀವು 100 ರೂಗೆ ಒಂದು ಗೇಮ್‌ ಆಡುತ್ತೀರಾ. ಅದರಿಂದ ನಿಮಗೆ 200 ರೂ ಸಿಗುತ್ತದೆ. ಮುಂದಿನ ಬಾರಿ ನೀವು ಗೇಮ್ ಆಡುವಾಗ 200 ರೂ ಮೇಲೆ ಆಡುತ್ತೀರಾ. ಅದರಿಂದ ನಿಮಗೆ 400 ರೂ ರಿಟರ್ನ್ಸ್ ಸಿಗಬಹುದು. ಇನ್ನು ಮುಂದೆ ನೀವು ಈ 400 ರೂ ಮೇಲೆ ಗೇಮ್‌ ಆಡುತ್ತೀರಾ. ಇದರಿಂದ 800 ರೂ ರಿಟರ್ನ್‌ ಸಿಗಬಹುದು. ಇದರ ಅರ್ಥ ಹೂಡಿಕೆಯಲ್ಲಿ ನಿಮ್ಮ ಹಣ ಎಷ್ಟು ದೊಡ್ಡ ಮೊತ್ತ ಆಗುತ್ತದೆಯೋ, ನಿಮಗೆ ಸಿಗುವ ರಿಟರ್ನ್ ಕೂಡ ದೊಡ್ಡದೇ ಆಗಿರುತ್ತದೆ.

ನೀವು ತಿಂಗಳಿಗೆ 20,000 ಉಳಿಸುತ್ತೀರಾ ಎಂದುಕೊಳ್ಳಿ. ಅದನ್ನು ನಿಮ್ಮ ಬ್ಯಾಂಕ್‌ನಲ್ಲಿ ಇಡುತ್ತೀರಾ. ನಿಮ್ಮ ಬ್ಯಾಂಕ್ ಪ್ರತಿ ವರ್ಷ 10ರಷ್ಟು ರಿಟರ್ನ್ ನೀಡುತ್ತಿದೆ ಎಂದುಕೊಳ್ಳಿ. ದೇಶದಲ್ಲಿ ಹಣದುಬ್ಬರ(Inflation) 8 ರಷ್ಟು ಇದೆ ಎಂದುಕೊಳ್ಳಿ.

ಹಣದುಬ್ಬರ ಎಂದರೆ, ಇಂದು ನಿಮಗೆ 1 ಲಕ್ಷ ರೂ ಗೆ ಸಿಗುವ ಕ್ಯಾಮೆರಾ ಇನ್ನೂ ಹತ್ತು ವರ್ಷಗಳ ನಂತರ 1.5 ಲಕ್ಷ ರೂ ಗೆ ಸಿಗಬಹುದು. ಇನ್ನೂ ಚಿಕ್ಕ ವಸ್ತುಗಳಿಗೆ ಹೇಳುವುದಾದರೆ, 10 ವರ್ಷಗಳ ಹಿಂದೆ 50 ಪೈಸೆಗೆ ಸಿಗುತ್ತಿದ್ದ ಚಾಕಲೇಟ್, ಇಂದು 1 ರೂಪಾಯಿಗೆ ಸಿಗುತ್ತಿದೆ. ಹಣದುಬ್ಬರದಿಂದ ನಿಮಗೆ ಬ್ಯಾಂಕ್ ನಿಂದ ಸಿಗುವ ರಿಟರ್ನ್ ಕೂಡ ಕಡಿಮೆಯಾಗಿದೆ.

ಇಪ್ಪತ್ತು ವರ್ಷಗಳ ನಂತರ ನಿಮ್ಮ ಬ್ಯಾಂಕ್ ನಲ್ಲಿ ಇಟ್ಟಿರುವ ಹಣ 1.7 ಕೋಟಿ ರೂ ಆಗಿರುತ್ತದೆ. ಅದೇ ನೀವು ಪ್ರತಿ ತಿಂಗಳು 20,000 ರೂ ಅನ್ನು ಬ್ಯಾಂಕ್‌ನಲ್ಲಿಡುವ ಬದಲು ಹೂಡಿಕೆ ಮಾಡುತ್ತಾ ಬಂದಿದ್ದರೆ, 20 ವರ್ಷದ ನಂತರ ನಿಮ್ಮ ಹಣ 4.26 ಕೋಟಿ ರೂ ಆಗಿರುತ್ತಿತ್ತು.

ಬ್ಯಾಂಕ್‌ನಿಂದ 20 ವರ್ಷಗಳ ನಂತರ ನಿಮಗೆ ಕೇವಲ 1.7 ಕೋಟಿ ರೂ ಮಾತ್ರ ಸಿಗುತ್ತದೆ. ಹೂಡಿಕೆಯಿಂದ 4.26 ಕೋಟಿ ರೂ ಸಿಗುತ್ತದೆ. ಹೀಗಾಗಿ ನೀವು ಹೂಡಿಕೆ ಮಾಡಿಲ್ಲವೆಂದರೆ ಎಷ್ಟೋ ಕೋಟಿ ರೂಗಳನ್ನು ಕಳೆದುಕೊಳ್ಳುತ್ತೀರಾ. ಹೂಡಿಕೆಯ ಮಹತ್ವ ಇಲ್ಲಿಗೆ ಮುಗಿಯುವುದಿಲ್ಲ.

ಇದನ್ನು ಓದಿ: ಷೇರು ಮಾರುಕಟ್ಟೆ ಹೇಗೆ ಕಾರ್ಯನಿರ್ವಹಿಸುತ್ತದೆ?

ಎಲ್ಲರೂ ಹೂಡಿಕೆ ಮಾಡಲು ತಿಳಿಸುತ್ತಾರೆ. ಆದರೆ ನಾನು ಹೂಡಿಕೆ ಎಲ್ಲಿ ಮಾಡಬೇಕು?

how can i invest with little money in kannada — place to invest

ದೀರ್ಘಕಾಲದಲ್ಲಿ(long term) ಹಣ ಗಳಿಸಲು ನಿಮಗೆ ಕಡಿಮೆ ಜ್ಞಾನ ಇದ್ದರೆ ಸಾಕು. ಅದೇ ಅಲ್ಪಾವಧಿಯಲ್ಲಿ(short term) ಹಣಗಳಿಸಲು ಬಯಸಿದರೆ ನಿಮಗೆ ಅಧಿಕ ಜ್ಞಾನವಿರಬೇಕು.

ಉದಾಹರಣೆಗೆ, ಇಂದು ಬೆಳಗ್ಗೆ ನನಗೆ ಒಬ್ಬರು 100 ರೂ ಕೊಟ್ಟು ಅದನ್ನು ಮಧ್ಯಾಹ್ನದ ಹೊತ್ತಿಗೆ ಸಾಕಷ್ಟು ಮಾಡಲು ತಿಳಿಸಿದರೆ. ಅದನ್ನು ಒಂದೇ ದಿನದಲ್ಲಿ ಸಾಕಷ್ಟು ಮಾಡಲು ನನಗೆ ಸಾಕಷ್ಟು ಜ್ಞಾನವಿರಬೇಕು ಮತ್ತು ಇಲ್ಲಿ ಗ್ಯಾರಂಟಿ ಕೊಡಲು ಸಾಧ್ಯವಿಲ್ಲ. ಅದೇ ಒಬ್ಬರು 10,000 ರೂ ಹಣವನ್ನು ಕೊಟ್ಟು, 10 ವರ್ಷದ ನಂತರ ಸಾಕಷ್ಟು ಮಾಡು ಎಂದರೆ ಮಾಡುವುದು ಸುಲಭವಾಗಿದೆ. ಅದಕ್ಕೆ ನನಗೆ ಸ್ವಲ್ಪ ಜ್ಞಾನವಿದ್ದರೂ ಮಾಡಬಹುದು.

ನಿಮಗೆ ಪ್ರತಿ ತಿಂಗಳು ಸಿಗುವ ಹಣವನ್ನು ಹೂಡಿಕೆ ಮಾಡುತ್ತಾ ಸಂಯುಕ್ತದ(compounding) ಲಾಭ ಪಡೆದು ದೀರ್ಘಕಾಲದಲ್ಲಿ ಸಾಕಷ್ಟು ಹಣ ಗಳಿಸಬಹುದು. ನೀವು ಅಲ್ಪಾವಧಿ ಮತ್ತು ದೀರ್ಘವಧಿ ಎರಡರಲ್ಲೂ ಹಣ ಗಳಿಸಬಹುದು. ಆದರೆ ದೀರ್ಘಾವಧಿಯಲ್ಲಿ ನೀವು ಹಣವನ್ನು ಕಳೆದುಕೊಳ್ಳುವುದು ತುಂಬಾ ಕಠಿಣವಾಗಿದೆ. ಅಲ್ಪಾವಧಿಯಲ್ಲಿ ಹಣವನ್ನು ಕಳೆದುಕೊಳ್ಳುವುದು ತುಂಬಾ ಸುಲಭವಾಗಿದೆ.

ನೀವು ತರಕಾರಿಗಳನ್ನು ಖರೀದಿಸಲು ಮಾರುಕಟ್ಟೆಗೆ ಹೋಗುತ್ತೀರಾ. ಅದೇ ರೀತಿಯೇ ಷೇರು(stock) ಖರೀದಿಸಲು ಷೇರು ವಿನಿಮಯದ(stock exchange) ಹತ್ತಿರ ಹೋಗುತ್ತೀರಾ. ನೀವು ಅವರ ಹತ್ತಿರ ಹೋಗಿ, "ನನಗೆ ಈ ಕಂಪನಿಯ ಇಷ್ಟು ಷೇರು ಕೊಡಿ ಎಂದು ಕೇಳುತ್ತೀರಾ". ಭಾರತದಲ್ಲಿ 2 ಷೇರು ವಿನಿಮಯವಿದೆ. ಅವೆಂದರೆ NSE(national stock exchange) ಮತ್ತು BSE(bombay stock exchange). BSE ಮತ್ತು NSCಯಲ್ಲಿ ಇಂಡೆಕ್ಸ್(index) ಇರುತ್ತದೆ. ಇಂಡೆಕ್ಸ್‌ನಲ್ಲಿ ದೇಶದ ಟಾಪ್ ಕಂಪನಿಗಳು ಇರುತ್ತವೆ.

ಈ ರೀತಿ ಭಾರತದ ಟಾಪ್ 30 ಕಂಪನಿಗಳನ್ನು ಒಳಗೊಂಡ ಸೆನ್ಸೆಕ್ಸ್(sensex) ಎಂಬ ಇಂಡಕ್ಸನ್ ನೀವು BSEಯಲ್ಲಿ ನೋಡಬಹುದು. ಹಾಗೆ ಭಾರತದ ಟಾಪ್ 50 ಕಂಪನಿಗಳನ್ನು ಒಳಗೊಂಡ ನಿಪ್ಟಿ ಇಂಡೆಕ್ಸ್(nifty index) ಅನ್ನು ನೀವು NSEಯಲ್ಲಿ ನೋಡಬಹುದು.

ನೀವು ಸೆನ್ಸೆಕ್ಸ್ ನಲ್ಲಿ ಹೂಡಿಕೆ ಮಾಡಿದರೆ, ನೀವು ನಮ್ಮ ದೇಶದ ಟಾಪ್ 30 ಕಂಪನಿಯಲ್ಲಿ ಹೂಡಿಕೆ ಮಾಡಿದಂತಾಗಿದೆ. ಅದೇ ರೀತಿಯೇ ನಿಪ್ಟಿ 50 ಯಲ್ಲಿ ಹೂಡಿಕೆ ಮಾಡಿದರೆ, ನೀವು ನಮ್ಮ ದೇಶದ ಟಾಪ್ 50 ಕಂಪನಿಯಲ್ಲಿ ಹೂಡಿಕೆ ಮಾಡಿದಂತಾಗಿದೆ. ಈ ಟಾಪ್ 50 ಕಂಪನಿಯಲ್ಲಿ ಯಾವುದಾದರೂ ಕಂಪನಿ ಬಿದ್ದರೆ ಅದನ್ನು ತೆಗೆದು ಬೇರೆ ಕಂಪನಿಯನ್ನು ತರಲಾಗುತ್ತದೆ. ಇದರಿಂದ ನೀವು ದೇಶದ ಟಾಪ್ 50 ಕಂಪನಿಯಲ್ಲಿ ಹೂಡಿಕೆ ಮಾಡಿರುವುದು ಖಚಿತವಾಗಿರುತ್ತದೆ.

ಇದನ್ನು ಓದಿ: Rich Dad Poor Dadನ ಮುಖ್ಯ ಐದು ಕಲಿಕೆಗಳು

Market Capitalization ಎಂದರೇನು?

is market capitalization is a good indicator in kannada — market cap

ಒಂದು ಷೇರು 100 ರೂ ಆಗಿದ್ದು, ಕಂಪನಿಯು 1,000 ಷೇರುಗಳನ್ನು ನೀಡುತ್ತಿದ್ದರೆ, ಆ ಕಂಪನಿಯ ಮಾರುಕಟ್ಟೆ ಬಂಡವಾಳ(market capitalization) 1 ಲಕ್ಷ ರೂ ಆಗಿದೆ. ನಮ್ಮ ದೇಶದ ಸಾಕಷ್ಟು ಹಣ ನಿಫ್ಟಿ ಮತ್ತು ಸೆನ್ಸೆಕ್ಸ್ ನಲ್ಲಿ ಇರುವ ಕಂಪನಿಗಳಲ್ಲೇ ಇರುತ್ತವೆ. ಹೀಗಾಗಿ ಇಂಡೆಕ್ಸ್‌ ನಲ್ಲಿರುವ ಕಂಪನಿಗಳು ನಮ್ಮ ದೇಶದ ಆರ್ಥಿಕ ಸ್ಥಿತಿಯನ್ನು ತಿಳಿಸುತ್ತವೆ.

ಇದನ್ನು ಓದಿ: ಬೆಳಗಿನ ಅಧ್ಯಯನವು ಪರಿಣಾಮಕಾರಿಯಾಗಲು ಐದು ಕಾರಣಗಳು.

Indexನ ಅವಶ್ಯಕತೆ ಇದೆಯೇ?

what means index in stock market in kannada — Index importantance

ಇಂಡೆಕ್ಸ್‌ ನ ಅವಶ್ಯಕತೆ ತುಂಬಾ ಇದೆ. ನೀವು ಇಂಡೆಕ್ಸ್‌ ನೋಡಿ ಮಾರ್ಕೆಟ್ ಮೇಲೆ ಹೋಗಿದೆಯೇ ಅಥವಾ ಕೆಳಗೆ ಹೋಗಿದೆಯೇ ಎಂಬುದನ್ನು ಸುಲಭವಾಗಿ ಗುರುತಿಸಬಹುದು. ಉದಾಹರಣೆಗೆ ನಿಫ್ಟಿ ಬೆಳಗ್ಗೆ 17,500 ಕ್ಕೆ ಟ್ರೆಡ್ ಆಗುತ್ತಿದೆ ಎಂದುಕೊಳ್ಳಿ. ಮಧ್ಯಾಹ್ನ 3:30 ಕ್ಕೆ 17,600 ರೂ ಆಗಿದ್ದರೆ, ಮಾರ್ಕೆಟ್ ಅಂದು ಮೇಲೆ ಹೋಗಿದೆ ಎಂದರ್ಥ. ಅದೇ 17,400 ರೂ ಆಗಿದ್ದರೆ ಮಾರ್ಕೆಟ್ ಅಂದು ಕೆಳಗೆ ಹೋಗಿದೆ ಎಂದರ್ಥ.

ನೀವು ಬಿಂಗೋ ಚಿಪ್ಸ್ ಖರೀದಿಸಿದರೆ, ಐಟಿಸಿಗೆ ಹಣ ನೀಡಿದಂತೆ. ನೀವು ಐಟಿಸಿಗೆ(itc) ಹಣ ನೀಡಿ ಅವರ ವಸ್ತುಗಳನ್ನು ಖರೀದಿಸುತ್ತೀರಾ, ಇದರಿಂದ ಐಟಿಸಿಗೆ ಲಾಭವಾಗುತ್ತದೆ. ಹೀಗೆ ಐಟಿಸಿಯ ಸಾಕಷ್ಟು ವಸ್ತುಗಳು ಮಾರಾಟವಾದಾಗ ಅದರ ಮಾರುಕಟ್ಟೆ ಬಂಡವಾಳ ಹೆಚ್ಚುತ್ತದೆ.

ನಿಫ್ಟಿ ಮತ್ತು ಸೆನ್ಸೆಕ್ಸ್ ಏರುತ್ತಲೇ ಇದ್ದರೆ, ದೇಶದಲ್ಲಿ ಖರೀದಿ ಹೆಚ್ಚಾಗಿದೆ ಮತ್ತು ದೇಶದ ಆರ್ಥಿಕ ಸ್ಥಿತಿ ಬೆಳೆಯುತ್ತಿದೆಯೆಂದು ಅಂದುಕೊಳ್ಳಬಹುದು. ಅದೇ ನಿಫ್ಟಿ ಮತ್ತು ಸೆನ್ಸೆಕ್ಸ್ ಕಡಿಮೆಯಾದರೆ, ದೇಶದಲ್ಲಿ ಖರೀದಿ ಕಡಿಮೆಯಾಗಿದೆ ಮತ್ತು ದೇಶದ ಆರ್ಥಿಕ ಸ್ಥಿತಿ ಕುಗ್ಗಿದೆ ಎನ್ನಬಹುದು.

500 ವರ್ಷಗಳ ಹಿಂದೆ ಇದ್ದ ಜನರ ಜೀವನಕ್ಕಿಂತ ನಿಮ್ಮ ಈಗಿನ ಜೀವನ ಅತ್ಯುತ್ತಮವಾಗಿದೆ. 500 ವರ್ಷಗಳ ಹಿಂದೆ ಒಬ್ಬ ರಾಜನ ಹತ್ತಿರ ನಿಮ್ಮ ಬಳಿ ಈಗ ಇರುವ ರೀತಿ ಸ್ಮಾರ್ಟ್‌ಫೋನ್ ಇರಲಿಲ್ಲ, ಕಂಪ್ಯೂಟರ್ ಇರಲಿಲ್ಲ. ಹೀಗಾಗಿ ನಿಮ್ಮ ಈಗಿನ ಜೀವನ ಆ ರಾಜನಿಗಿಂತ ಅತ್ಯುತ್ತಮವಾಗಿದೆ.

ಇದರ ಅರ್ಥ ನಮ್ಮ ಮುಂದಿನ ಜನರೇಶನ್ ಒಂದು ಒಳ್ಳೆಯ ಬದುಕು ಸಾಗಿಸುತ್ತದೆ. ಇನ್ನು 50 ವರ್ಷಗಳ ನಂತರ ವಸ್ತುಗಳನ್ನು ಖರೀದಿಸುವುದು ಹೆಚ್ಚುತ್ತದೆಯೇ? ಖಂಡಿತವಾಗಿಯೂ ಅದು ಹೆಚ್ಚುತ್ತದೆ. ಆಗಿದ್ದರೆ ನಿಫ್ಟಿ 50 ವರ್ಷದ ನಂತರ ಏರುತ್ತದೆ ಎಂದು ಭಾವಿಸಬಹುದೇ? ಖಂಡಿತವಾಗಿಯೂ ಭಾವಿಸಬಹುದು.

ನೀವು ನಿಫ್ಟಿಯ ಹಿಂದಿನ ಚಾರ್ಟ್ ನೋಡಿದರೆ, ಅದು ನೀಡಿದ ಬೆಳವಣಿಗೆಯ ಬಗ್ಗೆ ತಿಳಿಯುತ್ತದೆ. ಹೀಗಾಗಿ ನೀವು ನಿಫ್ಟಿಯಲ್ಲಿ ಹಣ ಹಾಕಿದರೆ ಅದು ಸುರಕ್ಷಿತ ಮತ್ತು ದೀರ್ಘಾವಧಿಯಲ್ಲಿ ಹೆಚ್ಚುತ್ತದೆ. ಕೊರೊನಾ ರೀತಿ ಯಾವುದಾದರೂ ವೈರಸ್ ಬಂದರೆ ಅದು ಕುಗ್ಗಬಹುದು. ಆದರೆ ಮುಂದೆ ಅದು ಗುಣಮುಖ(recover) ಹಾಗೆ ಆಗುತ್ತದೆ.

ನಿಫ್ಟಿಯಲ್ಲಿ ಭಾರತದ ಅತಿದೊಡ್ಡ 50 ಕಂಪನಿಗಳು ಇರುತ್ತವೆ. ಆದರೆ ನಮ್ಮ ದೇಶದಲ್ಲಿ ಸಣ್ಣ ಸ್ಟಾರ್ಟ್ ಅಪ್(start up) ಕಂಪನಿಗಳು ತುಂಬಾ ಇವೆ. ಅವುಗಳು ಭವಿಷ್ಯದಲ್ಲಿ ತುಂಬಾ ಬೆಳವಣಿಗೆಯನ್ನು ಕಾಣಬಹುದು. ಹೀಗಾಗಿ ನೀವು ಈ ಕಂಪನಿಗಳಲ್ಲಿ ಹೂಡಿಕೆ ಮಾಡುವುದು ತುಂಬಾ ಮುಖ್ಯವಾಗಿದೆ. ನೀವು BSE 500 ನಲ್ಲಿ ಹೂಡಿಕೆ ಮಾಡುವ ಮೂಲಕ ಭಾರತದ ಟಾಪ್ 500 ಕಂಪನಿಗಳಲ್ಲಿ ಹೂಡಿಕೆ ಮಾಡಬಹುದು. ನಿಫ್ಟಿ, ಸೆನ್ಸೆಕ್ಸ್ ಇವುಗಳ ಚಾರ್ಟ್ ಗಳನ್ನು ನೀವು ಒಮ್ಮೆ ಪರಿಶೀಲಿಸಿ.

ಇದನ್ನು ಓದಿ: ಆರ್ಥಿಕ ಸ್ವಾತಂತ್ರ್ಯಕ್ಕಾಗಿ ಗೇಮ್ ಪ್ಲಾನ್

ಮ್ಯೂಚುವಲ್ ಫಂಡ್‌ನಲ್ಲಿ ಹಣ ಹೂಡಿಕೆ ಮಾಡಬೇಡಿ.

is it good to invest in mutual fund in kannada — mutual fund reality

ಮ್ಯೂಚುಯಲ್ ಫಂಡ್ ಎಂದರೆ ಒಬ್ಬ ಫಂಡ್ ಮ್ಯಾನೇಜರ್ ನಿಮ್ಮಂತೆ ತುಂಬಾ ಜನರ ಹತ್ತಿರ ಹಣ ಪಡೆದುಕೊಂಡು ಅದನ್ನು ಷೇರು ಮಾರುಕಟ್ಟೆಯ ವಿವಿಧ ಕಂಪನಿಗಳಲ್ಲಿ ಹೂಡಿಕೆ ಮಾಡುತ್ತಾರೆ. ಅವರು ನಿಮ್ಮ ಹಣವನ್ನು ಹೆಚ್ಚಿಸುತ್ತೇವೆಂದು ತಿಳಿಸುತ್ತಾರೆ. ಆದರೆ ಇವೆಲ್ಲವನ್ನೂ ಮಾಡಲು ಅವರು ನಿಮ್ಮಿಂದ ಚಾರ್ಜ್ ಪಡೆಯುತ್ತಾರೆ. ಅದು ಎಷ್ಟೆಂದು ಅವರು ತಿಳಿಸುವುದಿಲ್ಲ.

ಆದರೂ ಅವರ ಚಾರ್ಜ್ ತುಂಬಾ ಇರುತ್ತದೆ. ಆದರೆ ದೀರ್ಘಾವಧಿಯಲ್ಲಿ ಅವರ ಮ್ಯೂಚ್ಯುಯಲ್ ಫಂಡ್ ನಿಫ್ಟಿ ಇಂಡೆಕ್ಸ್ ಗಿಂತ ಕಡಿಮೆ ರಿಟರ್ನ್ ನೀಡುತ್ತದೆ. ನಿಫ್ಟಿ 10 ವರ್ಷಗಳಲ್ಲಿ ಎಷ್ಟು ರಿಟರ್ನ್ ನೀಡಿದೆ ಮತ್ತು ನಿಮಗೆ ಇಷ್ಟವಾದ ಮ್ಯೂಚುವಲ್ ಫಂಡ್ 10 ವರ್ಷಗಳಲ್ಲಿ ಎಷ್ಟು ರಿಟರ್ನ್ ನೀಡಿದೆಯೆಂದು ನೀವೇ ಚಾರ್ಟ್ ನೋಡಿ ವಿಶ್ಲೇಷಣೆ(analyse) ಮಾಡಿ.

ನೀವು ಇದನ್ನು ವಿಶ್ಲೇಷಣೆ ಮಾಡಿದ್ದಾರೆ, ಇಷ್ಟೆಲ್ಲಾ ಚಾರ್ಜ್ ನೀಡುವ ಬದಲು ನಿಫ್ಟಿ ಇಂಡೆಕ್ಸ್ ನಲ್ಲಿ ಹೂಡಿಕೆ ಮಾಡುವುದು ಅತ್ಯುತ್ತಮವೆನಿಸುತ್ತದೆ. ಈ ವಿಷಯವನ್ನು ನಿಮಗೆ ಯಾವ ಮ್ಯೂಚುವಲ್ ಫಂಡ್ ಕಂಪನಿ ತಿಳಿಸುವುದಿಲ್ಲ. ನೀವು ನಿಮ್ಮ ಹಣಕ್ಕೆ 4 ರಷ್ಟು ರಿಟರ್ನ್‌ ನೀಡುವ ಬ್ಯಾಂಕ್‌ನಲ್ಲಿಟ್ಟರೆ, ಅದು ಬೆಳೆಯುವ ಬದಲು ಕುಗ್ಗುತ್ತದೆ. ಏಕೆಂದರೆ ಹಣದುಬ್ಬರ ನಿಮ್ಮ ರಿಟರ್ನ್‌ಗಿಂತ ಹೆಚ್ಚಿದೆ. ಹೀಗಾಗಿ ನಿಮಗೆ ಬ್ಯಾಂಕ್‌ನಿಂದ ಸಿಗುವ ರಿಟರ್ನ್ ಕಡಿಮೆಯಾಗಿದೆ.

ನೀವು ಮ್ಯೂಚುವಲ್ ಫಂಡ್ ಬದಲು ಇಟಿಎಫ್(ETF) ಅಥವಾ ಇಂಡೆಕ್ಸ್ ಫಂಡ್‌ನಲ್ಲಿ ಹೂಡಿಕೆ ಮಾಡಿ. ನೀವು ಕೇವಲ 100 ರೂಯಿಂದಲೂ ಈ ಇಟಿಎಫ್ ಅಥವಾ ಇಂಡೆಕ್ಸ್ ಫಂಡ್ ಪ್ರಾರಂಭಿಸಬಹುದು.

ನಿಫ್ಟಿ 17,500 ಕ್ಕೆ ಟ್ರೇಡ್ ಆಗುತ್ತಿದೆ. ಅದಕ್ಕೆ ನೀವು 17,500 ರೂ ಕೊಟ್ಟು ಹೂಡಿಕೆ ಮಾಡಬೇಕಿಲ್ಲ. ನೀವು 200 ರೂಯಿಂದಲೂ ನಿಫ್ಟಿಯಲ್ಲಿ ಹೂಡಿಕೆ ಮಾಡಬಹುದು.

ಮ್ಯೂಚುವಲ್ ಫಂಡ್‌ನಲ್ಲಿ ನಿಮಗೆ ಅದರ ಬಗ್ಗೆ ತಿಳಿಸುವ ವ್ಯಕ್ತಿಗೆ ಕಮಿಷನ್ ಇರುತ್ತದೆ. ನೀವು ಮ್ಯೂಚುವಲ್ ಫಂಡ್‌ನಲ್ಲಿ ಹೂಡಿಕೆ ಮಾಡಿದಾಗ ಅದರ ಫಂಡ್ ಮ್ಯಾನೇಜರ್‌ಗೂ ಕಮಿಷನ್ ಇರುತ್ತದೆ. ಈ ಕಮಿಷನ್ ನಿಮ್ಮ ಹೂಡಿಕೆಯ ಹಣದಿಂದಲೇ ಬರುತ್ತದೆ. ನಿಮಗೆ ಮ್ಯೂಚುವಲ್ ಫಂಡ್‌ನಿಂದ ಸಿಗುವ ರಿಟರ್ನ್ ಕಡಿಮೆ ಇರುತ್ತದೆ ಮತ್ತು ನಿಮಗೆ ಸಿಗುವ ಎಲ್ಲ ರಿಟರ್ನ್ ಈ ಕಮಿಷನ್ ಚಾರ್ಜ್ಗೆ ಹೋಗುತ್ತದೆ. ಹೀಗಾಗಿ ಮ್ಯೂಚುಯಲ್ ಫಂಡ್ ಸರಿ ಅಲ್ಲ.

ನೀವು ಮ್ಯೂಚುವಲ್ ಫಂಡ್‌ನಲ್ಲಿ ಹಣ ಹೂಡಿಕೆ ಮಾಡಿರುತ್ತೀರಾ, ಅದು ನೆಗೆಟಿವ್ ಆಗಿರುತ್ತದೆ. ಆಗ ನಿಮ್ಮ ಫಂಡ್ ಮ್ಯಾನೇಜರ್‌ಗೆ ಅದರ ಬಗ್ಗೆ ಕೇಳಿದರೆ, "ಅದು ಮುಂದೆ ಸರಿಯಾಗುತ್ತದೆ, ನೀವು ಹೂಡಿಕೆ ಮಾಡುತ್ತೀರಿ" ಎಂದು ಅವರು ತಿಳಿಸುತ್ತಾರೆ. ನೀವು 2 - 3 ವರ್ಷ ಮ್ಯೂಚುವಲ್ ಫಂಡ್‌ನಲ್ಲಿ ಹೂಡಿಕೆ ಮಾಡಿರುತ್ತೀರಾ. ಆದರೂ ನಿಮ್ಮ ಹಣ ನೆಗೆಟಿವ್ ನಲ್ಲಿ ಇರುತ್ತದೆ. ಅದೇ ನೀವು ನಿಫ್ಟಿಯಲ್ಲಿ ಹೂಡಿಕೆ ಮಾಡಿದರೆ ಖಂಡಿತವಾಗಿಯೂ ನಿಮ್ಮ ಹಣ ಬೆಳೆಯುತ್ತಿತ್ತು.

ಸಾವಿರ ಮ್ಯೂಚುವಲ್ ಫಂಡ್‌ನಲ್ಲಿ ಕೆಲವು ಮಾತ್ರ ನಿಫ್ಟಿಗಿಂತ ಅಧಿಕ ರಿಟರ್ನ್ ನೀಡಬಹುದು. ಆದರೆ ದೀರ್ಘಾವಧಿಯ ವಿಷಯಕ್ಕೆ ಬಂದಾಗ ನಿಪ್ಟಿಯಷ್ಟು ಯಾವ ಮ್ಯೂಚುವಲ್ ಫಂಡ್ ಕೂಡ ರಿಟರ್ನ್ ನೀಡುವುದಿಲ್ಲ.

ನಿಮ್ಮ ಪೂರ್ತಿ ಸಮಯವನ್ನು ಷೇರು ಮಾರುಕಟ್ಟೆಗೆ ನೀಡಲು ಸಾಧ್ಯವಿಲ್ಲವೆಂದರೆ ನಿಫ್ಟಿಯಲ್ಲಿ ಹೂಡಿಕೆ ಮಾಡುವುದು ನಿಮಗೆ ಸೂಕ್ತವಾಗಿದೆ. ನಾಳೆ ಯಾವ ಕಂಪನಿಯ ಷೇರು ಮೇಲೆ ಹೋಗುತ್ತದೆ ಎಂದು ನಮಗೂ ಗೊತ್ತಿಲ್ಲ, ನಿಮಗೂ ಗೊತ್ತಿಲ್ಲ, ನಿಮಗೆ ಇಷ್ಟವಾದ ಮ್ಯೂಚುವಲ್ ಫಂಡ್‌ ಮ್ಯಾನೇಜರ್‌ಗೂ ಗೊತ್ತಿರುವುದಿಲ್ಲ. ಹೀಗಾಗಿ ನಿಪ್ಟಿ ನಿಮಗೆ ಹೂಡಿಕೆ ಮಾಡಲು ಸರಿಯಾಗಿದೆ.

ಇದನ್ನು ಓದಿ: ಗಣಿತವನ್ನು ವೇಗವಾಗಿ ಕಲಿಯುವುದು ಹೇಗೆ?

Active Income ಮತ್ತು Passive Income.

what is active income and passive income in kannada — active and passive income

ಸಕ್ರಿಯ ಆದಾಯ(active income) ಮತ್ತು ನಿಷ್ಕ್ರಿಯ ಆದಾಯ(passive income) ನಿಮಗೆ ಹಣ ಸಿಗುವ ಎರಡು ರೀತಿಯಾಗಿದೆ. ಸಕ್ರಿಯ ಆದಾಯವೆಂದರೆ ನೀವು ಕೆಲಸ ಮಾಡಿ ಗಳಿಸುವ ಹಣವಾಗಿದೆ. ಅಂದರೆ ನಿಮಗೆ ತಿಂಗಳು ಸಿಗುವ ಸಂಬಳ ಎನ್ನಬಹುದು. ನೀವು ಆ ತಿಂಗಳ ಸಂಬಳಕ್ಕೆ, ನಿಮಗೆ ದಿನ ಸಿಗುವ 24 ಗಂಟೆಯಲ್ಲಿ ಕನಿಷ್ಠ 8 ಗಂಟೆಯನ್ನು ನೀಡುತ್ತೀರಾ.

ನಿಮ್ಮ ಜೀವನದಲ್ಲಿ ಯಶಸ್ವಿಯಾಗಲು ನಿಷ್ಕ್ರಿಯ ಆದಾಯ ತುಂಬಾ ಮುಖ್ಯವಾಗಿದೆ. ನಿಷ್ಕ್ರಿಯ ಆದಾಯದ ಉದಾಹರಣೆ ಹೇಳಬೇಕೆಂದರೆ, ಬಾಡಿಗೆಗೆ ನೀಡಿದ ಮನೆ, ಅದರಿಂದ ತಿಂಗಳು ಬಾಡಿಗೆ ದೊರೆಯುತ್ತದೆ. ಸಕ್ರಿಯ ಆದಾಯದಲ್ಲಿ ಹಣಕ್ಕಾಗಿ ನೀವು ಪ್ರತಿದಿನ ಕನಿಷ್ಠ 8 ಗಂಟೆ ಕೆಲಸ ಮಾಡುತ್ತೀರಿ. ಆದರೆ ನಿಷ್ಕ್ರಿಯ ಆದಾಯದಲ್ಲಿ ನಿಮ್ಮ ಹಣ 24 ಗಂಟೆ ನಿಮಗಾಗಿ ಕೆಲಸ ಮಾಡಿ ಹಣ ಗಳಿಸುತ್ತದೆ. ನಿಮ್ಮ ಜೀವನ ನಡೆಸಲು ಸಕ್ರಿಯ ಆದಾಯ ಇದ್ದರೆ ಸಾಕು ಎನ್ನಬಹುದು. ಆದರೆ ನೀವು ಜೀವನದಲ್ಲಿ ಯಶಸ್ವಿಯಾಗಲು ಬಯಸಿದರೆ ನಿಷ್ಕ್ರಿಯ ಆದಾಯದ ಅಗತ್ಯ ತುಂಬಾ ಇದೆ.

ತುಂಬಾ ಜನ ಅದರಲ್ಲೂ ವಿದ್ಯಾರ್ಥಿಗಳು ಟ್ರೇಡಿಂಗ್ನಲ್ಲಿ(trading) ಮೋಸ ಹೋಗುತ್ತಾರೆ. ನಿಮಗೆ ಅನೇಕರು "ನಾನು ಟ್ರೇಡಿಂಗ್ ಮಾಡಿ ಇಷ್ಟು ಗಳಿಸಿದ್ದೇನೆ" ಎಂದು ಹೇಳುತ್ತಾರೆ. ನೀವು ಅವರ ಮಾತನ್ನು ಕೇಳಿ ಟ್ರೇಡಿಂಗ್ ಮಾಡುತ್ತೀರಾ. ಆದರೆ ಟ್ರೇಡಿಂಗ್ ತುಂಬಾ ಅಪಾಯಕಾರಿಯಾಗಿದೆ. ಟ್ರೇಡಿಂಗ್ ನಿಂದ ನಿಮ್ಮ ಹಣ ಕಳೆದುಕೊಳ್ಳುವ ಸಾಧ್ಯತೆ ಹೆಚ್ಚಿದೆ. ಟ್ರೇಡಿಂಗ್ 99 ರಷ್ಟು ಜನರಿಗೆ ಸೂಕ್ತವಲ್ಲ.

ನೀವು ನಮ್ಮ ಯಾವುದೇ ಪೈನಾನ್ಸ್ ಲೇಖನ ಓದಿದರೂ, ಯಾವುದೇ ಷೇರು ಮಾರುಕಟ್ಟೆಯ ಪುಸ್ತಕ ಓದಿದರೂ ಎಲ್ಲದರಲ್ಲೂ ಟ್ರೇಡಿಂಗ್ ಅಷ್ಟು ಸೂಕ್ತವಲ್ಲ ಎಂದು ತಿಳಿಸಿದ್ದಾರೆ. ಹೀಗಾಗಿ ನಿಮ್ಮ ಪೂರ್ತಿ ಹಣವನ್ನು ಒಂದೇ ಷೇರಿನಲ್ಲಿ ಹೂಡಿಕೆ ಮಾಡಬೇಡಿ. ಅದರ ಬದಲು ನಿಷ್ಟಿಯಲ್ಲಿ ಹೂಡಿಕೆ ಮಾಡಿ. ಏಕೆಂದರೆ ನಿಪ್ಟಿ ತುಂಬಾ ಸುರಕ್ಷಿತವಾಗಿದೆ.ಇಂದು ನಿಫ್ಟಿ 17,000ದ ಮೇಲೆ ಇದೆ. ಅದು ಯಾವತ್ತು ಸೊನ್ನೆ ಆಗುವುದಿಲ್ಲ. ಹೀಗಾಗಿ ನೀವು ಅದರಲ್ಲಿ ಹೂಡಿಕೆ ಮಾಡಿದರೆ ಖಂಡಿತವಾಗಿಯೂ ನಿಮ್ಮ ಹಣ ಬೆಳೆಯುತ್ತದೆ. ನೀವು ಪ್ರಾರಂಭದಲ್ಲಿ ಸಣ್ಣ ಮೊತ್ತದಿಂದ ಹೂಡಿಕೆ ಮಾಡಲು ಪ್ರಾರಂಭಿಸಿ. ನೀವು ನಿಪ್ಟಿಯನ್ನು ಒಂದು ತಿಂಗಳಾದರೂ ವಿಶ್ಲೇಷಣೆ ಮಾಡಿ. ನಂತರ ನಿಮ್ಮ ಹಣವನ್ನು ಹೂಡಿಕೆ ಮಾಡುವ ನಿರ್ಧಾರಕ್ಕೆ ಬನ್ನಿ.

ಇದನ್ನು ಓದಿ: ಎತ್ತರವನ್ನು ಹೆಚ್ಚಿಸಿಕೊಳ್ಳಲು ಎಂಟು ಪರಿಣಾಮಕಾರಿ ಸಲಹೆ ಮತ್ತು ತಂತ್ರಗಳು

Trading Tips Scam.

is tip provider in the stock market a fraud in kannada — trading tips scam

ಟ್ರೇಡಿಂಗ್ ಟಿಪ್ಸ್ ಸ್ಕ್ಯಾಮ್ ,ಇದರಲ್ಲಿ ಒಬ್ಬ ವ್ಯಕ್ತಿ ನಿಮಗೆ ಕರೆ ಮಾಡಿ, "ಈ ಷೇರು ನಾಳೆ ಮೇಲೆ ಹೋಗುತ್ತದೆ" ಎಂದು ತಿಳಿಸುತ್ತಾನೆ. ನೀವು ಅವನನ್ನು ನಿರ್ಲಕ್ಷಿಸುತ್ತೀರಾ(ignore). ಮುಂದಿನ ದಿನ ಆ ಷೇರು ಮೇಲೆ ಹೋಗುತ್ತದೆ. ಆ ದಿನ ಮತ್ತೆ ನಿಮಗೆ ಆ ವ್ಯಕ್ತಿಯಿಂದ ಕರೆ ಬರುತ್ತದೆ, "ಈ ಷೇರು ನಾಳೆ ಮೇಲೆ ಹೋಗುತ್ತದೆ" ಎಂದು ಅವನು ತಿಳಿಸುತ್ತಾನೆ. ನೀವು ಅವನನ್ನು ಮತ್ತೊಮ್ಮೆ ನಿರ್ಲಕ್ಷಿಸುತ್ತೀರಾ. ಮುಂದಿನ ದಿನ ಅವನು ಹೇಳಿದ ಷೇರು ಮೇಲೆ ಹೋಗುತ್ತದೆ.

ಅವನ ಮೊದಲನೇ, ಎರಡನೇ, ಮೂರನೇ, ನಾಲ್ಕನೇ ಎಲ್ಲಾ ಕರೆಯಲು ಹೇಳಿದಂತೆ ಆಗಿದೆ. ಇನ್ನು ಮುಂದೆ ಅವನು ಟಿಪ್ಸ್ ಹೇಳಲು ನಿಮ್ಮ ಹತ್ತಿರ ಹಣ ಕೇಳುತ್ತಾನೆ. ಅವನ ಟಿಪ್ಸ್ 4 ಬಾರಿ ಸರಿಯಾಗಿದೆಯೆಂದು ನೀವು ಅವನಿಗೆ ಹಣ ನೀಡುತ್ತೀರಾ. ಅವನು ಹೇಳಿದ ಟಿಪ್ಪ್ ನಂತೆ ಮುಂದಿನ ದಿನ ಹೂಡಿಕೆ ಮಾಡುತ್ತಿರ. ಅದರಿಂದ ನಿಮ್ಮ ಹಣ ಕಳೆದುಕೊಳ್ಳುವ ಮತ್ತು ಲಾಭ ಮಾಡಿಕೊಳ್ಳುವ ಸಾಧ್ಯತೆ 50 - 50 ರಷ್ಟು ಇರುತ್ತದೆ. ನೀವು ಅವನಿಂದ ಮೋಸ ಹೋಗಿದ್ದೀರಿ. ಅದು ಹೇಗೆ ಎಂಬುದನ್ನು ಇಲ್ಲಿ ತಿಳಿಸುತ್ತಿದ್ದೇವೆ.

ಅವನು 1,00,000 ಜನರಿಗೆ ಕರೆ ಮಾಡುತ್ತಾನೆ ಎಂದು ತಿಳಿದುಕೊಳ್ಳಿ. ಅದರಲ್ಲಿ 50,000 ಜನಕ್ಕೆ Stock A ಮೇಲೆ ಹೋಗುತ್ತದೆ ಎಂದು ತಿಳಿಸುತ್ತಾನೆ. ಇನ್ನು ಉಳಿದ 50,000 ಜನಕ್ಕೆ Stock A ಕೆಳಗೆ ಹೋಗುತ್ತದೆ ಎಂದು ತಿಳಿಸುತ್ತಾನೆ. ಮುಂದಿನ ದಿನ Stock A ಮೇಲೆ ಹೋಗುತ್ತದೆ. ಸ್ಟಾಕ್‌ ಕೆಳಗೆ ಹೋಗುತ್ತದೆ ಎಂದು ಅವನು ಹೇಳಿದ 50,000 ಜನ ಅವನನ್ನು ನಂಬುವುದಿಲ್ಲ. ಅವನು ಉಳಿದ 50,000 ಜನರಲ್ಲಿ 25,000 ಜನಕ್ಕೆ Stock A ಮೇಲೆ ಹೋಗುತ್ತದೆ, ಇನ್ನು 25,000 ಜನಕ್ಕೆ Stock A ಕೆಳಗೆ ಹೋಗುತ್ತದೆ ಎಂದು ತಿಳಿಸುತ್ತಾನೆ. ಇದೇ ರೀತಿಯೇ ಅವನು ಮುಂದುವರೆಸುತ್ತಾನೆ.

ಈಗ ಅವನ ಟಿಪ್ಸನ್ನು ನಂಬುವ 12,500 ಜನರು ಇದ್ದಾರೆ. ಅವರಿಗೆ ಟಿಪ್ಸ್ ಹೇಳಲು ಅವನು ಹಣ ಕೇಳುತ್ತಾನೆ. ಈ 12,500 ಜನ ಅವನು 2 ಬಾರಿ ಸರಿ ಹೇಳಿದ್ದಾನೆಂದು ನಂಬಿ ಹಣ ನೀಡುತ್ತಾರೆ. ಆದರೆ ಅವನು 12,500 ಜನರಲ್ಲಿ 6,250 ಜನಕ್ಕೆ Stock A ಮೇಲೆ ಹೋಗುತ್ತದೆ ಇನ್ನು ಉಳಿದ 6,250 ಜನಕ್ಕೆ Stock A ಕೆಳಗೆ ಹೋಗುತ್ತದೆ ಎಂದು ತಿಳಿಸಿರುತ್ತಾನೆ. ಮುಂದಿನ ದಿನ Stock A ಕೆಳಗೆ ಹೋಯಿತು ಎಂದುಕೊಳ್ಳಿ. ಇದರಿಂದ ಸ್ಟಾಕ್ ಮೇಲೆ ಹೋಗುತ್ತದೆಯೆಂದು ಅವನ ಮಾತು ಕೇಳಿದ 6,250 ಜನ ಮೋಸ ಹೋಗುತ್ತಾರೆ. ನೀವು ಅವರಲ್ಲಿ ಒಬ್ಬರಾಗುವ ಸಾಧ್ಯತೆಯಿದೆ. ಹೀಗಾಗಿ ಈ ರೀತಿಯ ಟ್ರೇಡಿಂಗ್ ಟಿಪ್ಪ್ ಯಾರಿಗೂ ಕೇಳಬೇಡಿ ಮತ್ತು ನಂಬಬೇಡಿ.

ಇದನ್ನು ಓದಿ: "ಲರ್ನ್ ಟು ಆರ್ನ್" ಪುಸ್ತಕದ 4 ಪ್ರಮುಖ ಹೂಡಿಕೆಯ ಕಲಿಕೆಗಳು.

Do after you know.

ಈಗ ನಾವು ತಿಳಿಸುವ ವಿಷಯವನ್ನು ನಿಮಗೆ ಷೇರು ಮಾರುಕಟ್ಟೆಯ ಮೇಲೆ ಸ್ವಲ್ಪ ತಿಳಿದ ನಂತರ ಮಾಡಿ. ನೀವು ಷೇರು ಮಾರುಕಟ್ಟೆಗೆ beginner ಆಗಿದ್ದು, ನಿಮ್ಮ ಹತ್ತಿರ 10,000 ರೂ ಇದ್ದರೆ ಅದನ್ನು ನಿಫ್ಟಿಯಲ್ಲೇ ಹಾಕಿ. ಆದರೆ ಷೇರು ಮಾರುಕಟ್ಟೆಯ ಬಗ್ಗೆ ಸ್ವಲ್ಪ ಗೊತ್ತಾಗುವವರೆಗೂ ನಾವು ಈಗ ತಿಳಿಸುವುದರ ಮೇಲೆ ಹೂಡಿಕೆ ಮಾಡಬೇಡಿ. ಆದರೆ ಈಗ ನಾವು ತಿಳಿಸುವುದರಲ್ಲಿಯೇ ಸಾಕಷ್ಟು ಹಣ ಗಳಿಸುವ ಸಾಧ್ಯತೆಯಿದೆ. ಆದರೆ ಇದು ಅಪಾಯದಿಂದ ಕೂಡಿದೆ.

intraday trading in kannada — intraday trading

ಇಂಟ್ರಾಡೇ ಟ್ರೇಡಿಂಗ್.

ಇಂಟ್ರಾಡೇ ಟ್ರೇಡಿಂಗ್(intraday trading), ಇದು beginnersಗೆ ಖಂಡಿತವಾಗಿಯೂ ಸೂಕ್ತವಲ್ಲ. ಒಂದು ಷೇರು ಮೇಲೆ ಅಥವಾ ಕೆಳಗೆ ಹೋಗುತ್ತದೆ ಎನ್ನುವುದಕ್ಕೆ 50 - 50 ಅವಕಾಶವಿದೆ(chance). ನೀವು ಸರಿಯಾದ ತಂತ್ರಗಳನ್ನು(proper strategies) ಮಾಡಿದರೆ ಇಂಟ್ರಾಡೇ ಟ್ರೇಡಿಂಗ್ ನಿಂದ ಸಾಕಷ್ಟು ಹಣ ಗಳಿಸಬಹುದು.

ಜೀವನದಲ್ಲಿ ಎಲ್ಲ ಸಮಯವೂ Luck ಇರುವುದಿಲ್ಲ.

ನೀವು ನಿಮ್ಮ ಕಾಲೇಜಿನ ಮೊದಲನೇ ಕಿರು ಪರೀಕ್ಷೆಯಲ್ಲಿ ಅದೃಷ್ಟದಿಂದ ಪಾಸಾಗಬಹುದು. ಎರಡನೇ ಕಿರು ಪರೀಕ್ಷೆಯಲ್ಲೂ ಅದೃಷ್ಟದಿಂದ ಪಾಸಾಗಬಹುದು. ಆದರೆ ನೀವು ತಯಾರಿ ಮಾಡಿಕೊಂಡಿಲ್ಲವೆಂದರೆ ಮೂರನೇ ಕಿರು ಪರೀಕ್ಷೆ ಫೇಲಾಗುವ ಸಾಧ್ಯತೆ ಇದೆ. ಹೀಗಾಗಿ ಜೀವನದಲ್ಲಿ ಎಲ್ಲ ಸಮಯ ಅದೃಷ್ಟ ಕೆಲಸ ಮಾಡುವುದಿಲ್ಲ.